فتح باب التقديم لمدارس المتفوقين ستيم بعد الاعدادية 2022 تعرف الشروط وكيفية التقديم من هنا

أعلنت وزارة التربية والتعليم والتعليم الفني، عن فتح باب التقديم للقبول بمدارس المتفوقين في العلوم والتكنولوجيا STEM في محافظات (الجيزة - القاهرة – الإسكندرية – كفر الشيخ – الدقهلية – الاسماعيلية – الحر الأحمر – أسيوط – الاقصر – المنوفية – الغربية – العبور – الشرقية – قنا – بني سويف)، 

يسعي الكثير من الطلبة المتفوقين في الشهادة الاعدادية إلي معرفة أفضل المدارس التي تضمن لهم مستقبل مضمون وكليات القمة ولعل من هذه المدارس هي مدارس STEM أو مدارس المتفوقين في مصر 2022   وهذه المدرسة ليست لها علاقة بمدينة زويل واسمها ليس مدرسة زويل، وايضا المدرسة ليست لها علاقة بمدرسة متفوقين عين شمس اما مدارس STEM اسمها الثانوية المصرية في العلوم والتكنولوجيا اما عن اختصار STEM فهي اختصار لـScience, Technology, Engineering, and Mathematics .

شروط التقدم لمدارس المتفوقين في مصر 2022

الحصول علي مجموع 95% فأكثر في تالتة اعدادي والدرجة النهائية في مادتين على الأقل من (الرياضيات والعلوم والإنجليزي)- أن تكون من مدرسة تابعة للتربية والتعليم سواء حكومي أو خاص أو تجريبي

كيفية التقدم للدراسة في مدارس المتفوقين في مصر

وأضافت الوزارة أن التقديم سيكون إلكترونياً من خلال هذا الرابط: " http://emis.gov.eg/"، حيث يقوم الطالب بإنهاء إجراءات التقدم الإلكتروني وطباعة استمارة التقدم مع قيام ولي الأمر بالتوقيع عليها وتقديمها إلى أقسام شئون الطلبة والامتحانات بالإدارات التعليمية لمراجعتها واعتماده.

- بعد امتحان القبول يوزع الطلاب حسب درجاتهم في الإمتحان، يعني بيبقى ليك رغبه اولى محافظتك الى انت متوزع علها اقليمى و التانيه انت بتحددها - الدراسة معظمها بالانجليزية ولكن ليس شرط اساسي لدخول المدرسة اتقانك للانجليزية

مصاريف مدارس المتفوقين في مصر 2022

مصاريف مدارس stem هي 3 آلاف جنيه أول السنة شاملة تأمين اللاب، ولما بتخرج من المدرسة بترجعه وتاخد الألفين جنيه بتوع التأمين وتسيبلهم 1000- نظام المدرسة هو السكن الداخلي حتى لو أنت من منطقة قريبة منها، يعني لو أنت من اسكندرية وتقدر ترجع البيت كل يوم لازم برضه تقيم في المدرسة في برج العرب وترجع البيت نهاية الأسبوع .. أكتوبر بنين بس والمعادي بنات بس وباقي الـ7 مدارس مشتركة ولكن بسكن منفصل

اماكن مدارس المتفوقين في مصر 2022

- توجد مدارس stem موزعة على محافظات

1. كفرالشيخ
2. الإسكندرية
3. الغردقة
4. الدقهلية
5. الإسماعيلية
6. أسيوط
7. الأقصر
8. طنطنا
9. المنوفية

فتح باب التقدم للكليات الحربية  قدم من هنا

نظام الدراسة داخل مدارس المتفوقين stem

- المدرسة علمي بس مفيهاش أدبي، يعني من سنة أولى هتدرس كل المواد العلمية (Pure Maths, Mechanics, Biology, Geology, Chemistry, Physics, Computer Science) وزائد عليهم بعض المواد الأدبية اللازمة زي العربي والانجلش واللغة الأجنبية التانية اللي بتكون غالبًا فرنساوي أو ألماني ده غير التربية الوطنية والدين والدراسات الإجتماعية شاملة التاريخ والجغرافيا، ومواد زي الـ Electronics, Robotics

- بتختار تتخصص علمي علوم أو علمي رياضة في تالتة، العربي والإنجلش واللغة الأجنبية التانية والتربية الوطنية والدين ثابتين لكل الناس
- علمي علوم بياخدوا زيادة عليهم بيولوجي وجيولوجي وعلمي رياضة بياخدوا بحتة وتطبيقية

- الدراسة في أولى وتانية بتكون متوزعة 60% على الCapstone وده مشروع جماعي بيعمله الطلاب كل تيرم لحل مشكلة بتحددها المدرسة ليهم زي الطاقة أو تلوث المياه أو التكدس السكاني .. وده بيكون مطلوب فيه من الطلاب إيجاد حل ممكن يكون اختراع جديد أو ممكن فكرة قديمة عملوا عليها تعديل قلل تكلفتها أو زوّد كفائتها .. وبيكون 30% على امتحانات التحريري في الفاينال و10% عملي وأعمال سنة بقى على الغياب والPresentations والreports اللي بيطلبها المدرسين في كل مادة

- الدراسة في تالتة بيكون المشروع عليه 20% والعملي عليه 10% وأعمال السنة 10% وامتحانات الفاينال التحريري بتاع المواد العلمية بيكون20% وفي امتحان عليه 40% اسمه ACT (American College Test) واللي الوزارة غيرت اسمه مؤخرًا وبقى اسمه URT ، أما العربي والفرنساوي أو الألماني بيكون الامتحان ورقتين، واحدة زي بتاعة الثانوية العامة بيكون عليها 40% وورقة بتكون اسمها مقاييس مفاهيم حاجات متنوعة في اللغة بتقيس درجة مهارتك فيها ومش شرط تمامًا تكون من المنهج وبيكون عليها 30% والمشروع طبعا داخل بنسبته 20% و أعمال سنة 10%

- مستقبل المدرسة مش هتكلم عن المنح لأنها بتتغير من سنة للتانية يعني حسب ميزانية المؤسسات زي مصر الخير وبنك مصر، فخلينا نتكلم عن التنسيق الحكومي لأنه الثابت الوحيد، طالب STEM متاح له يدخل 7 كليات علمية عملية بس، اللي هم طب وأسنان وصيدلة وبيطري لعلمي علوم وهندسة وحاسبات لعلمي رياضة وكلية علوم لعلمي علوم وعلمي رياضة.. التنسيق بيكون بنظام النسبة المرنة .