ننشر لكم أعزائي متابعي مدونة المدرس بوك شروط ضم مدد الخدمة السابقة للمعلمين الكترونيا ، وذلك بعد أن أعلنت وزارة التربية والتعليم فتح الموقع الألكتروني لضم مدد الخدمة السابقة وقد أوضح الدكتور شريف الشاذلي الشروط وهي كالتالي :

شروط ضم الخدمة 2018

 ١- فتره المعلم المساعد ايا كان مدتها لا تسجل الذي يسجل فقط فترات العمل بالعقد المؤقت والحسن.
٢- لما تسجلوا بتسجلوا كل فتره علي حدى بمعني انا مثلا اشتغلت ٣ شهور بالحصه سنه ٢٠٠٠ واشتغلت ٦ شهور سنه ٢٠٠٢ واشتغلت بالعقد المؤقت سنه ٢٠١١ لما اجي اسجل يبدأ باقدم فتره
ويكتب تاريخ البدايه وتاريخ النهايه تاريخ البدايه هو يوم استلام العمل وتاريخ النهايه هو آخر يوم عمل.

وادوس حفظ وبعد كده اسجل الفتره اللي بعديها وادوس حفظ وهكذا لغايه ما تسجل كل الفترات .
٤- اي فتره عايز تضمها لازم ترفق صوره العقد معها بدون صورة العقد بتاعتنا لن تضم لك الفتره.
٥- ماذا افعل في سنين الحصه التي ليس معي لها عقد؟ روح هات جواب من الماهيات وحطة كمرفق بدلا من صورة العقد.
٦- هل اسجل سنه الحصه سنه ؟ لا طبعا حضرتك بتكتب المده باليوم تاريخ استلام العمل واخر يوم عمل لو افترضنا انك اشتغلت سنه حصه كامله فهتطلع من ١- ١٠ الي ٣٠- ٥ دول حضرتك ٨ شهور مش سنه ..
٧ - هل ينفع اضم فتره العمل بالمدارس الخاصة ؟ ايوه ينفع بس تجيب من التامينات ما يثبت تلك الفترات وبرضك الفتره اللي تسجلها هي الفتره المثبته بالتامينات فقط.

٨- ماذا يحدث اذا ذوت كام يوم كده ولا كام شهر من عندي ؟؟ لا تعتقد الوزارة عبيطه أو أنها هتعطيك اقدميه وحوافز وبدلات كده عبط المدد هتقترن بالاوراق المرفقة وبعد كده هيطلب من الادارات مراجعه ذلك بكل دقه فمدخلش نفسك في كلام انت في غني عنه انت عايز حقك.

٩- هل ينفع اسجل العقد المميز ؟ اجابه السؤال ده نقطتين النقطه الاولي كان في حاجه اسمها عقد مميز من ٢٠٠٦ الي ٢٠٠٨ وده يختلف عن عقد المعلم المساعد ده حضراتكم ينفع بتسجل ويضم عادي انا لو تقصد بالعقد المميز عقد المعلم المساعد فللاسف ده مينفعش يتسجل فتره المعلم المساعد اول درجات الكادر لا يجوز ضمها ابدا وفقا لقانون ١٥٥.
١٠- اعمل ايه لو سجلت فتره غلط ادخل احذفها واكتب الصح.

للدخول إلي موقع تسجيل مدد الخدمة السابقة


 اضغط هنا

تعليقات
17 تعليقًا
إرسال تعليق
  • 👤 غير معرف

    طب لو عملت بالقطاع الخاص بعيد عن التعليم ممكن تتضم لو اثبت ذللك من التامينات

  • 👤 غير معرف

    طب لو عملت بالقطاع الخاص بعيد عن التعليم ممكن تتضم لو اثبت ذللك من التامينات

  • 👤 غير معرف

    مش بيضيف اجر

  • 👤 مسيو احمد صبحي الشريف

    مش بيضم الاجر

  • 👤 غير معرف

    امتى اخر ميعاد للتقديم للضم

  • 👤 غير معرف

    طب انا خدت العقد ١/٤/٢٠١٤ وعملت إقرار قيام بالعمل٥/٧ اكتب ٥/٧ ولا ١/٤ وياريت الرد علشان الحق اعدلها

  • 👤 غير معرف

    الموقع لا يقبل إلا5طلبات فقط وأنا لي8طلبات للضم لأني أعمل منذ2002 ينفع طلب واحد بشهادة خبرة موثقة أو استمارة103موثقة

  • 👤 غير معرف

    الادارة بترفض اعضاء اى ورقة كمستند للحصة

  • 👤 Unknown

    ماذا بخصوص فترة الخدمة العامة للبنات ؟ هل تضاف ام لا ؟؟ ضروري لو سمحتم وشكرا

  • 👤 Unknown

    انا كنت ادارى بالتربية والتعليم وسويت بالؤهل العالى وانا الان معلم اول ..هل ممكن اضافة مدة الخدمة وانا اداري؟

  • 👤 غير معرف

    انا كنت شغال فكذا مدرسة في نفس اليوم فترة صباحية ومسائية

  • 👤 غير معرف

    ما هو اخر موعد لضم الخد مة

  • 👤 غير معرف

    هل الموقع هيفتح تاني انا لسة مسجلتش

  • 👤 غير معرف

    الرجاء فتح الموقع

  • 👤 Unknown

    طب لو المعلم اتأخر فى الترقية من الدرجة التالتة الثانية لمدة 10سنوات..مؤهل عالى تربوى.. والمفروض الترقية بعد 8سنوات ..كيف أضم المدة الزائدة..افيدوني وسكرا

  • 👤 رودينا

    أنا إشتغلت سنتين بالحصة فى المعهد ابتدائي اﻷ زهري ينفع أضمهم

  • 👤 رودينا

    أنا إشتغلت سنتين بالحصة فى المعهد ابتدائي اﻷ زهري ينفع أضمهم