شرح جدول الأجور الجديد لجميع الدرجات الوظيفية
شرح جدول الأجور الجديد لجميع الدرجات الوظيفية معلمين وموظفين ومعاشات

نشر أحد الناشطين التعليميين تفسير جدول أجور المعلمين الجديد المنتشر علي مواقع التواصل الأجتماعي وذلك نقلا عن الزميل Bakheet Ahmed Alnaddaf الذي وضح الفرق بين الاستحقاقات والاستقطاعات حيث قال كلنا عارفين ان المرتب فيه 3 خانات رئيسية وهي:

1- الاستحقاقات ( وهو جمله ما تتحمله الموازنة او الدوله للموظف )

2- الاستقطاعات ( وهى المبالغ التى يتم خصمها من الاستحقاقات مثل المعاشات والدمغة وكسب العمل وخلافة )

3- الصافى المستحق ( وهو المبلغ الذى يتم صرفه للموظف * القبض الشهرى*) مثال ذلك (( موظف المستحق له 2000 ج واستقطاعاته 500 ج والصافى اللى هيفبضة طبعا 1500 ج ))

ما هو جدول الأجور الجديد للمعلمين والموظفين

السؤال هنا هل الموظف دا هيتاثر بالحد الادنى للاجور الــ 2000 ج ؟؟ الاجابة (( لا طبعا ))لانه هو بالفعل واصل الحد الادنى للاجور 😡😡 الخلاصة لما نقول زيادة الحد الادنى للاجور معناها زيادة المستحق الذى تتحملة الدوله للموظف ،كل موظف يشوف المستحق بتاعة لو

لو على السادسة واقل من 2000 ج يبقى هيزيد وطبعا مفيش موظف على السادسة المستحق بتاعة اقل من 2000 ج وكذلك الامر بالنسبة للدرجة الثالثة مفيش موظف على الدرجة الثالثة المستحق بتاعة اقل من 2400 ج دلوقتى مع الزيادة اللى فى 7 ان شاء الله هيبقى اكتر من 2600ج وقلنا ملناش دعوى باللى بيقبضة الموظف العبرة بالمبلغ اللى بتتحمله الدوله للموظف ، بعد كدا المبالغ دى نخصم منها المعاشات والدمغة والضريبة وباقى الاستقطاعات ، فى الاخر يطلع الصافى اللى بنقبضة ،،،،،

يعنى الخلاصة اللى هيتاثرو بموضوع الحد الادنى سواء الــ 2000 ج للدرجة السادسة او ال 2600 ج للدرجة الثالثة او ال 7000 ج للدرجة الممتازة هما معدودين على صوابع اليد ( زى المعينين الجدد مثلا ) يعنى اللى بيقبض فعلى 1500 ج واكتر هو فعلا واصل الحد الادنى للاجور ،، واللى على الدرجة الثالثة و بيقبض صافى 2000 هو فعلا واصل 2600 ج ولو مكنش واصلهم بعد الزياده دى هيوصلهم ويعديهم كمان ،،،، وكمان لما تيجى الزيادة بتاعة شهر يوليو 219 مش هيبقى فيه موظف فى الدوله مش واصل الحد الادنى للاجور يعنى اللى على السادسة هيعدى 2000 ج واللى على الثالثة هيعدى ال 2600 ج (كاستحقاقات اكرر كاستحقاقات ) لما نقول 2600 ج للثاثلة يبقى استحقاقات مش مرتب اللى بيقبضة فى اليد ، ،، ** وانا هنشر صورة لاقل مرتبات موظفين عن الشهر الحالى مارس 2019 ، ،، وهما عمال على السادسة والخامسة وتعيين جديد كمان من سنة وسنتين ،،،،، هنلاقى كلهم واصلين الحد الادنى للاجور تقريبا بس ناقص حاجه بسيطه فى شهر 7 ان شاء الله هيعدوا الحد الادنى الــ 2000 ج بمراحل **

اما عن الزيادة المقرره (العلاوة الدورية والاستثنائية فهما اقل من علاوات السنة اللى فاتت ) لان السنة اللى فاتت كان فى 7 % دورية زى السنة دى تقريبا ،،،، بس فرق 10 ج ،،،، وكانت الاستثنائية السنة اللى فاتت 180 و 190 و 200 ج حسب الدرجة ،، لكن استثنائية السنة دى 150 ج لجميع الموظفين ،، يعنى اقل من السنة اللى فاتت ،،،،،🤚🤚🤚

لكن اللى هيفرق السنة دى هى الترقيات ومش كل الموظفين هتترقى طبعا ،، و الموظف اللى هيترقى هيزيد 5 % من اجرة الوظيفى ،، ودا طبعا بخلاف العلاوات السابق ذكرها،،، ، والله أعلى و أعلم ويارب كل موظف وانا منهم يزيد 10000 ج لكن لازم نوضح الصوره
تعليقات
29 تعليقًا
إرسال تعليق
  • 👤 Unknown

    يا أخى استبشر خيرا : معنى الحد الأدنى يعنى بداية الدرجة ، يعنى مثلا واحد على الدرجة الأولى بقالوا عشر سنوات ، يبقى بداية الدرجة 3500 جنيه مضاف لها علاوات 10 سنوات وإلا تساوى من أخد الدرجة هذا العام مع من حصل عليها من 10 سنوات .

  • 👤 محمدسيد

    انت جبت المرتبات دى منين كدب طبعا احنااصلا مش بنخدالمرتب ده

  • 👤 shokry512

    والله المستعان عما يصفون

  • 👤 Unknown

    يعنى الدرجة الثالثه ختقبض كام صافى

  • 👤 غير معرف

    حسبنا الله ونعم الوكيل كله كلام على ورق يا ظلمة المرتب غير كدة خالص

  • 👤 Unknown

    انامرتبي ١٤٥٠ بعدالزيادة هيحصل كام

  • 👤 Unknown

    انا باخد ١٬٤٠٠ جنيه يبقى هاذيد كام انا عقد ٢٠١١ اداريين

  • 👤 Unknown

    طب انا عقد من سنة 2012 ولم يتم تثبيتى حتى الآن فى الصحة ومعى دبلوم صناعى وباعمل عامل نظافة وباخد مرتب 1156 وأول سنة يزيد من سنة 2018 هاخد كام يعنى مع الزيادة الشهر الحالى يارب يكون زيارة تنفع فى تربية ثلاث أولاد أيتام والله حرام دالموظف واللى زوجته موظفه معاه بيعانو لكن أنا لواحدى ومعيا ربنا والحمدلله

  • 👤 Unknown

    طب انا عقد من سنة 2012 ولم يتم تثبيتى حتى الآن فى الصحة ومعى دبلوم صناعى وباعمل عامل نظافة وباخد مرتب 1156 وأول سنة يزيد من سنة 2018 هاخد كام يعنى مع الزيادة الشهر الحالى يارب يكون زيارة تنفع فى تربية ثلاث أولاد أيتام والله حرام دالموظف واللى زوجته موظفه معاه بيعانو لكن أنا لواحدى ومعيا ربنا والحمدلله

  • 👤 غير معروف

    طب انا عقد من سنة 2012 ولم يتم تثبيتى حتى الآن فى الصحة ومعى دبلوم صناعى وباعمل عامل نظافة وباخد مرتب 1156 وأول سنة يزيد من سنة 2018 هاخد كام يعنى مع الزيادة الشهر الحالى يارب يكون زيارة تنفع فى تربية ثلاث أولاد أيتام والله حرام دالموظف واللى زوجته موظفه معاه بيعانو لكن أنا لواحدى ومعيا ربنا والحمدلله

  • 👤 غير معروف

    طب انا عقد من سنة 2012 ولم يتم تثبيتى حتى الآن فى الصحة ومعى دبلوم صناعى وباعمل عامل نظافة وباخد مرتب 1156 وأول سنة يزيد من سنة 2018 هاخد كام يعنى مع الزيادة الشهر الحالى يارب يكون زيارة تنفع فى تربية ثلاث أولاد أيتام والله حرام دالموظف واللى زوجته موظفه معاه بيعانو لكن أنا لواحدى ومعيا ربنا والحمدلله

  • 👤 Unknown

    أقسم بالله العلي العظيم الكل نصاب الزيادة كلها قبضناها 250 جنية على يعنى المرتب كلة موظف درجة أولي 2500 جنية فين الحد الأدنى وفين كل الكلام الهجص بتاعكم أحنا على العموم واخدين الصابونة بلاش نقول حاجة تانية علشان عيب أقولها والحدق يفهم

  • 👤 Unknown

    185 مفيش غيرهم

  • 👤 Unknown

    185 مفيش غيرهم

  • 👤 علاء

    اطمنوا المعلمين ليس لهم حد ادني لانه بيحسب مكافأة الامتحانات يعني سيدتكم عديتم الحد الادني انس وسلم لي علي الترماي ممكن مرتب المعلم ينقص ولا يزيد لانه دخل شريحه اعلي وفي الضرائب

  • 👤 علاء

    اطمنوا المعلمين ليس لهم حد ادني لانه بيحسب مكافأة الامتحانات يعني سيدتكم عديتم الحد الادني انس وسلم لي علي الترماي ممكن مرتب المعلم ينقص ولا يزيد لانه دخل شريحه اعلي وفي الضرائب

  • 👤 fadyyassa

    دة فنكوش السيسي هو وجكومتة الفاشية بنى العاصمة الادارية على قفا معلمى مصر كلها

  • 👤 Unknown

    يعنى اتنصب علينا وعيشونا فى الاحلام من ساعتها

  • 👤 غير معرف

    ياجماعه بدل الشرح نفذوا المكتوب قطعتوا مصرينا حسبى الله ونعم الوكيل

  • 👤 Killer

    طبعا نصب واحتيال من الدرجة الاولي... اتفو عليكم نصابين ولاد و.....

  • 👤 Unknown

    الكلام عن الحد الأدنى كتر جدًا جدًا لدرجة إن اللي بياخد 2000 هيصدق نفسه إنه بياخد 4000

  • 👤 غير معرف

    كدب . انا علي الدرجة التانية ولسة واصل في شهر ٧ مرتبي بعد الزيادة ٢٠٠٠ وانا تعييني من سنة ٢٠٠٤ جبت الاجور دي منين . ليه الكدب والضحك علي الناس . الناس مش ناقصة . اتقوا الله

  • 👤 knawi kn

    شرحك ماسخ

  • 👤 Unknown

    قمه الظلم

  • 👤 Baba 1960

    وقبل يا مسهل الحال

  • 👤 Baba 1960

    ايامك تفهم حاجة

  • 👤 غير معرف

    نفسى الكلام ده يتم تطبيقه على ارض الواقع وكل درجة ماليه تاخد المبلغ اللى قالو عليه

  • 👤 Unknown

    نفسى الكلام ده يتم تطبيقه على ارض الواقع وكل درجة ماليه تاخد المبلغ اللى قالو عليه

  • 👤 غير معرف

    حسبي الله ونعم الوكيل