أعزائي الطلاب أعلن وزير التربية والتعليم عن تسليم نصف مليون طالب للأبحاث عن طريق منصة ايدمود وننشر لكم اليوم أعازئي الطلاب الطرق التي تستطيع أن تعرف بها إذا كان تعرف ان بحثك تم تسليمه بطريقة صحيحة على المنصة وكيف تضيف أكواد زملائك المشاركين معك في البحث

بعد ما ظهر رابط رفع المشروعات في أغلب المدارس تقريبا في ناس بتسأل إزاي اضيف أكواد باقي الطلاب المشاركين في البحث لو عمل جماعي

هتظهرلك الأول خانة المشروع البحثي لعام 2019/2020 هترفع من خلالها البحث pdf وبعد ما ترفع البحث هيظهر لك في المكان اللي عليه المؤشر في الصورة رقم واحد اضافه تعليق هو ده المكان المخصص لإضافة أكواد زمايلك

وفي الصورة التانيه ضيف الأكواد واعمل إرسال وبعد كده اعمل اسكرين شوت بصورة تسليم البحث واكواد الطلاب اللي متبوعة ب Gوالصف وسلم كل زميل لك من المشاركين في البحث صوره من الاسكرين
متقلقش لو كتبت حاجه غلط لأنك تقدر تعدل التعليق أو تضيف البحث تاني
ممكن كل الكلام ده تحسبه صعب لكن في الواقع بمجرد انك تفتح الرابط هتلاقي كل حاجه سهله بإذن الله

ملحوظة الشكل ده هيظهرلك لو انت رفعت البحث من إدمودو على جوجل وليس من التطبيق أما من الموبايل تابعوا أخر صورة اضغطوا على commente ولو عايز تعمل إعادة إرسال للبحث لو حسيت انك نسيت تكتب حاجه مثلا اضغط على Resubmit
أما instructions دي التعليمات اللي بتقولك لازم ترفع البحث pdf و grade دي يعني التقييم لما يكتب لك notgraded يعني لسه لم يتم تقييمه وطبيعي محدش هيتكتب له graded ،
وهتلاقيها بالعربي مكتوب تقييمك غير متاح لأن التقييم هيتم بعد انتهاء مدة تسليم الأبحاث المعلنه 16/5/2020 بأسبوع متستعجلوش يعني ابدأوا اسألوا على النتيجه في الاسبوع الاول أو الثاني من يونيو بإذن الله ونقول مبروك للجميع مقدما بإذن الله

الموضوع سهل جدا بإذن الله متقلقوش وبإذن الله الكل هيسلم بكل سهوله واللي سلم ورقي هيقولك يا ريتني ما سلمت ورقي وانتظرت لما المنصة تشتغل افضل

وأخيرا على كل مدرسه بناء على قرار وزاره التعليم أن تعلن قائمه الطلاب اللذين سلموا الابحاث وذلك على صفحه المدرسه او بأي وسيله اخرى تسهل على الطلاب معرفه استلام المدرسه للبحث .

لو بعد ما أدرجت أكواد زمايلك في البحث الجماعي في خانه comment واكتشفت بعدها انك كتبت كود غلط أو محتاج تعدل حاجه متقلقش تقدر تعدل وبكل سهوله لكن من Edmodo على جوجل وليس التطبيق اللي محمله على الموبايل هتدخل على المنصة
على الاكونت بتاعك اللي رفعت منه البحث وهتلاقي علامه ترس قصاد التعليقات اضغط عليها هيطلب منك تعديل ولا حذف وانت شوف اللي يريحك هتعدل ولا تحذف وتكتب من الأول شوف الصور في اخر الصور المرفقة

تعليقات
9 تعليقات
إرسال تعليق
  • 👤 غير معرف

    فين الصور المرفقة

  • 👤 غير معرف

    مفيش صور مرفقة

  • 👤 Unknown

    انا سجلت من الموبايل وكتبت اكواد زميايلي بس مسئول المدرسة بيقول انه ظهر عنده عالمنصة اني سلمت لكن اكواد زمايلي غير ظاهرة ايه الحل من فضلكم

  • 👤 ياسرعربي قاسم

    تمام الله يحفظكم

  • 👤 Unknown

    الطلبة اللى سلموا بحث ورقى ثم ادخلوا على المنصة وحملها بمعنى الاثنين هل فى مشكلة لهم

  • 👤 ahmed hamed

    شكرا لحضراتكم

  • 👤 سامح محمد

    سيادة الوزير قال تسليم البحث الكتروني افضل أو ورقي في المدرسة والمدرسة قالت حتى لو قدم الطالب بحثه الكتروني لازم يسلمه ورقي لأن المدرسة ما فيش ميزانية لطباعة الأبحاث أولياء الأمور احتاروا انتم كموقع مفروض تطمنوا الطلاب وأولياء أمورهم وليس تخويفهم بتصريحاتكم السابقة بقولكم واللي سلم ورقي هيندم ما معنى هذا الكلام هل معناه انكم ستتعمدو رسول الأبحاث الورقية طب وليه تعبتك الطلاب وأولياء أمورهم والمدرسين سؤال يحتاج إلى إجابة

  • 👤 سامح محمد

    سيادة الوزير قال تسليم البحث الكتروني افضل أو ورقي في المدرسة والمدرسة قالت حتى لو قدم الطالب بحثه الكتروني لازم يسلمه ورقي لأن المدرسة ما فيش ميزانية لطباعة الأبحاث أولياء الأمور احتاروا انتم كموقع مفروض تطمنوا الطلاب وأولياء أمورهم وليس تخويفهم بتصريحاتكم السابقة بقولكم واللي سلم ورقي هيندم ما معنى هذا الكلام هل معناه انكم ستتعمدوا رسوب الأبحاث الورقية طب وليه تعبتم الطلاب وأولياء أمورهم والمدرسين سؤال يحتاج إلى إجابة طيب لو طالب خاف من تصريحاتكم وعمل البحث مرة الكتروني ورفعه ونفس البحث الالكتروني صوره وسلمه ورقي زي ما طالب به السيد مدير إدارة الساحل التابعة للقاهرة ده صح ولا غلط والطالب ده بحقه هيتقبل والا لأ

  • 👤 سامح محمد

    سيادة الوزير قال تسليم البحث الكتروني افضل أو ورقي في المدرسة والمدرسة قالت حتى لو قدم الطالب بحثه الكتروني لازم يسلمه ورقي لأن المدرسة ما فيش ميزانية لطباعة الأبحاث أولياء الأمور احتاروا انتم كموقع مفروض تطمنوا الطلاب وأولياء أمورهم وليس تخويفهم بتصريحاتكم السابقة بقولكم واللي سلم ورقي هيندم ما معنى هذا الكلام هل معناه انكم ستتعمدوا رسوب الأبحاث الورقية طب وليه تعبتم الطلاب وأولياء أمورهم والمدرسين سؤال يحتاج إلى إجابة طيب لو طالب خاف من تصريحاتكم وعمل البحث مرة الكتروني ورفعه ونفس البحث الالكتروني صوره وسلمه ورقي زي ما طالب به السيد مدير إدارة الساحل التابعة للقاهرة ده صح ولا غلط والطالب ده بحثه هيتقبل والا لأ