رواية احببتها بقلبي الفصل الثاني 


#احببتها_بقلبي
#البارت_الثاني 

كرم بصدمه: بتحبيني ؟!

وعد بخبث اكبر : من زمان اول مره شوفتك كنت في المطعم اول ما دخلت ريحيه البرفيوم بتاعتك غطت المكان ...قلبي دق بطريقه لا يمكن تتخيلها ..قربت منك عشان أسألك تطلب ايه وانا ببص في عيونك ساعتها حسيت أن الأرض بتتهز وكأن في زلزال ..مشيلتش عيني من عليك طول الوقت للاسف انت مكنتش مهتم مكنتش شايفني اصلا اليوم ده روحت البيت ومبطلتش افكر فيك ياكرم كل يوم كنت تيجي المطعم وأنا أحاول ألفت انتباهك بأي طريقه لكن مكنتش بتاخد بالك ...انا عاشقاك ياكرم بحبك عشان انت كرم مش عشان اي حاجه تانيه مش فارق معايا بتشوف ولا لا بتمشي ولا لا عندك فلوس ولا معندكش انا حبيتك من غير ما اعرف اي حاجه كل يوم كنت بصلي وادعي لربنا أنه يجمعني بيك مع اني كنت عارفه أنه مستحيل بس ربنا قادر علي المستحيل ده واهو لما اتحقق حلمي عايز تحرمني اني اكون جنبك ومعاك !

كان واقف كرم يسمعها بصدمه معقوله في حد بيحبه للدرجادي ؟! معقوله هو مكانش شايف ولا حاسس بيها للدرجادي هو اعمي القلب قبل ما يكون أعمي البصيره !

اتنهد تنهيده طويله تحمل الف معني ومعني وهو بيقول بهدوء : انا موافق اتجوزها يابابا 

ممدوح وهو بيبص لوعد بفرحه : بجد ياكرم ؟

كرم وهو بيتنهد : مش معقول الاقي حد يحبني كده وارفض بس اتمني تكوني صادقه يا ...

وعد بهدوء: وعد ياكرم اسمي وعد 

كرم بابتسامه بسيطه : اتمني تكوني صادقه ياوعد اتمني ميكونش شفقه منك ..

وعد : مفيش حد ممكن يتجوز حد تاني شفقه ياكرم ديه حياه هنعيشها مع اللي قلبنا أختاره مش معقوله هتجوزك شفقه وافضل انا طول حياتي تعيسه لو مكنتش بحبك مكنتش وافقت اتجوزك ...







كرم وهو بيلوي جانب فمه بسخريه: الله واعلم باللي في القلب 

وعد برفعه حاجب : قصدك ايه ؟

-المأذون وصل 

قاطعهم ممدوح وهو بيعلن عن وصول المأذون اللي هيكتب كتاب " كرم و وعد" 

بعد شويه 

"بارك الله لكما وبارك عليكما وجمع بينكما في خير " 

صلاح ( جده) بفرحه: الف مبروك ياحبيبي الف مليون مبروك عيشت وشوفتك عريس 

كرم بهدوء : الله يبارك فيك ياجدو 

صلاح : الف مبروك يابنتي 

وعد بحزن : الله يبارك فيك ياعمو 

ممدوح : يالا يابنتي خدي عريسك علي فوق. 

وعد بتوتر ولهفه : فوق فين ؟!

كرم بسخريه: ايه ياعروسه هنروح فين يعني علي اوضتنا 

وعد بخوف : ا اه ا انا 

كرم ببرود: مالك خايفه ليه كده ؟

ممدوح بسرعه : لا مين قال كده وعد فرحانه اوي 

كرم بسخريه : لا واضح 

قال جملته وقام وقف عشان يطلع الاوضه بتاعته ...

وعد بلهفه : اساعدك

كرم بعصبيه: لا خلينا نتفق بقي انا لو حسيت للحظه واحده انك بتشفقي عليا ساعتها هطلقك انتي سامعه مش عايز مساعده من حد انا قادر اساعد نفسي..

قال جملته ومشي بأقصي سرعه علي فوق لانه حافظ المكان ...

ممدوح بحزن : معلش ياوعد كرم طيب بس هو مش بيحب يحس أنه عاجز 

وعد وهي بتهز رأسها بهدوء: عارفه 

ممدوح : صحيح هو الكلام اللي قولتيه ده حقيقي ؟ 

وعد : كلام ايه ؟

ممدوح : صحيح انتي شوفتي كرم قبل كده 

وعد بسخريه: وانت صدقت يعني ؟ اكيد لا ده كلام عشان يوافق نتجوز فين الاوضه بتاعته 

ممدوح : تاني اوضه علي ايدك الشمال 

تمام عن اذنكم 

قالت جملتها وطلعت وجواها خوف بالآحري رعب من المستقبل ...

وصلت قدام الأوضه اخدت نفس وحطت ايديها علي قلبها وهي بتخبط الباب ...

-ادخل 

سمعت صوته الهادي وهو بيسمحلها بالدخول ...

فتحت الباب ودخلت وهي حاطه وشها في الأرض وبتفرك ايديها بتوتر 

كرم وهو بيتنهد: اتفضلي ياوعد

وعد بتوتر : ا انا اسفه 

كرم ببرود : علي ايه ؟

وعد : ا انا يعني 

كرم وهو بيقاطعها: انا مش بحب الشفقه ياوعد مش بحب احس اني عاجز عموما انا كمان اسف اني اتعصبت عليكي تعالي ياوعد اقعدي عشان حابب نتفق علي شويه حاجات ..

قربت منه وعد ببطئ ومع كل خطوه كانت بتحس أن الأكسجين بيتسحب من رئتيها ...

قعدت علي كرسي قدامه وهي بتفرك ايديها بتوتر وبترفع عينيها تبص في عينيه اللي مكانتش قادره تحدد لونها عسلي ولا اخضر غامق لونها غامض زيه لكن جميله في النهايه ...

كرم وهو بيبصلها : بصي ياوعد 

وعد بتوتر : ا انت شايفني ؟

كرم وهو بيضحك بهدوء: شايفك ازاي يعني ؟

وعد : ا اصل ا اصل يعني انت بتبصلي و و

كرم : طبيعي ياوعد انا حاسس بيكي قاعده قدامي طبيعي ابص في اتجاهك

وعد بحرج : ا اه صح 

كرم وهو بيتنهد: بصي ياوعد انا وافقت اتجوزك مش عشان الكلمتين اللي قولتيهم انا بحبك وشوفتك قبل كده والكلام ده لاني عارف أنه مش حقيقي 

وعد بتوتر : ل لا 

كرم وهو بيقاطعها: ارجوكي ياوعد اسمعيني للآخر وبعدين اتكلمي 

وعد بهدوء : تمام كمل 









كرم : انا وافقت اتجوزك عشان جدي وبابا عشان هما بيضغطوا عليا حقهم نفسهم يفرحوا بيا وخاصه جدو لأنه كبير في السن ونفسه يفرح بحفيده قبل ما يموت ...وعد جوازنا لفتره معينه وبعديها كل واحد يروح لحاله ...اعتبري الفتره ديه فتره صداقه اعتبريني صديقك احكيلي زعلانه من ايه نفسك في ايه وانا كذلك هعتبرك صديقه لكن مقدرتش اعتبرك زوجه لاني مش حابب اظ*لمك اوعي ياوعد اوعي تحبيني لان انتي اللي هتتعبي ...

وعد بنبره صوت أشبه البكاء : ب بس انا فعلا بحبك 

كرم بجديه: وعددد ارجوكي ياوعد المشاعر في المواقف ديه مش بتأكل عيش صدقيني 

وعد بعصبيه: انت أعمي البصيره والقلب ياكرم 

كرم بحده : احترمي نفسك انا جوزك 

وعد بسخريه : متقولش جوزي بس احنا اصدقاء يا ياكرم 

كرم بخبث: انا معنديش مانع اكون جوزك ياعيون كرم

وعد بتوتر وخجل : ا انت ق*ليل الادب 

كرم ببرود : ليه ياحياتي مش أنتي مراتي 

وعد بتوتر اكبر ووشها احمر : لا ا احنا اصدقاء ..ا اصدقاء وبس لفتره محدده وكل واحد يروح لحاله 

كرم وهو بيهز رأسه : برافو ياوعدي 

قال جملته وقام وقف ودخل الحمام اللي في الاوضه ...

وعد بخفوت : ياساتر ده باينله هيبقي مرار طاف*ح اما اقوم اشوف حاجه ألبسها 

قامت اتجهت للدولاب وفتحته وهي مش عارفه تلبس ايه 

-ايه ده كل هدومه لونها اسود كده ليه ..وايه ده كمان ياربي مقاسه كبير اوي ده التيشيرت هيبقي فستان عليا ولا البنطلون هههههه متخيله شكلي هبقي شبه المتسولين بجد هو طويل اصلا ده شويه وهينافس برج خليفه ..

-شكلك قصيره ؟؟

شهقت بفزع وهي بتلف لكرم اللي كان واقف وراها مفيش غير مسافه صغيره بتفصل ما بينهم وهو واقف ورافع حواجبه وحاطط أيده الاتنين في جيبه ...

-ممكن افهم بتعملي ايه في دولابي؟

وعد وهي بتبلع ريقها بتوتر : ا ا انا 

كرم وهو بيربع أيده الاتنين ببرود : انتي ؟

وعد : ا احم كنت بدور علي حاجه ألبسها 

كرم : طيب وسعي وانا هجبلك 

وعد بتوتر : ب بس

كرم بضيق : وعد انا حافظ كل حاجه في اوضتي لو سمحتي ابعدي من قدام الدولاب 

وعد بحرج: حاضر 

كرم وهو بيمدلها أيده بهدوم : اتفضلي 

وعد : شكرا 

كرم : العفو بس علي فكره انا مش طويل اوي يعني شكلك انتي اللي اوزعه 

وعد بنرفزه: انا مش اوزعه لو سمحت انا ١٦٠ سم 

كرم بضحك : ههههه انتي كده مش اوزعه !

وعد بحرج : ا احم خلقه ربنا 

كرم : اوصفيلي شكلك 

وعد بصدمه : نعم ؟!

كرم وهو بيتنهد : عايز اعرف شكلك 

وعد بكذب : ا انا شبه هنا الزاهد  

كرم بشك: ياسلام !!

وعد : ا اه 









كرم وهو بيهز رأسه بغموض : تمام 

وعد : ه هو انت مش مصدقني ؟

كرم برفعه حاجب : لا ليه؟!

وعد : هه م مفيش بعد اذنك انا نازله 

كرم : رايحه فين ؟

وعد ببرود : اظن ده شيئ ميخصكش ياكرم احنا متجوزين علي ورق 

كرم : امممممم متجوزين علي ورق 

وعد بسخريه : اه بعد اذنك يا ياصديقي

كرم بحده : اقفي عندك 

وعد بتوتر وخوف : نعم ؟

كرم وهو بيقرب نحيتها وهي واقفه هتم*وت من الرع*ب...

كان بيقرب وعيونه في عيونها وكأنه شايفها ومحاوطها في كل مكان ..

كرم وهو بيقف قدامها وبيميل بنص جس*مه وهو بيهمس في ودنها ببطئ رعب*ها: هو محدش علمك أن ال*كذب حرام ياوعدي ؟

وعد بخوف : ك كذب ايه ا ا

كرم بمقاطعه : انا مش بحب البنات اللي مش واثقه في نفسها ليه متوصفيش شكلك الحقيقي بدون كذب !

وعد وهي بتبلع ريقها بتوتر : ا انا مش بكذب عليك 

كرم وهو بيبص في عيونها : لون عيونك بني فاتح شعرك اسود طويل بشرتك قمحيه ...

وعد بخوف : ا ازاي ا انت عرفت ازاي 

كرم : معقوله كل ده مش قادره تستوعبي؟

وعد : ا استوعب ايه ؟

كرم وهو بيتنهد: اني شايفك 

وعد وهي بتحط ايديها علي بوقها : ا انت 

كرم وهو بيهز راسه بسخريه: عليكي نوووور انا بشوف مش أعمي يا ياهنا الزاهد 


تحميلات

أختر ما تريد:

تعليقات
ليست هناك تعليقات
إرسال تعليق