رواية احببتها بقلبي الفصل الرابع 


#احببتها_بقلبي
#البارت_الرابع 

وعد بصدمه : خ خطيبك ؟

كاميليا وهي بتبصلها من فوق لتحت بقرف : انتي مين ؟

-مين ياوعد 

وعد وهي بتلف لكرم اللي كان عامل نفسه بيمشي ببطئ لانه في نظر الكل " أعمي" 

وعد وهي بتبصله في عيونه وبتهكم: خطيبتك 

كرم وهو باصص لفوق وبيسأل باستغراب : خطيبتي مين ؟

كاميليا وهي بتدخل الأوضه : كرومتي وحشتني 

كرم بتساؤل: كاميليا؟؟

كاميليا بخبث : عيون كاميليا 

كرم بحده : انتي ايه اللي جابك هنا ؟

كاميليا بدلع: جيت عشان وحشتني 

كرم بعصبيه : اطلعي برا بررررررا 

كاميليا بخوف : ح حاضر ب بس 

برررررررا 

قالها كرم بزعيق هز أرجاء المكان رعب كاميليا وحتي وعد اللي كانت واقفه تراقب الحوار بفضول وغيره بتنهش في قلبها مش قادره تحدد ليه معقوله تكون حبته؟! طب ازاي وامتي وهي متعرفهوش حتي مسبقش ليهم تعامل مع بعض قبل كده ...ليه حاسه بغيره بتنهش في قلبها ليه حاسه انها عايزه تقفل الأوضه وتخبي كرم جواها لا يشوف حد ولا حد يشوفه !

كرم الخدامه بعصبيه: مين اللي سمحلها تدخل ؟

الخدامه بخوف : ه هي اللي قالت ا أن حضرتك طلبت تقابلها 

كرم وهو بياخد نفس عميق وكأنه بيخرج فيه غضبه : طيب لو جت تاني متدخلش من باب الفيله انتوا سامعين ؟

الخدامه بخوف : ح حاضر عن اذنك 

قالت جملتها وطلعت تجري من قدامه ...

وعد وهي مربعه ايديها وبرفعه حاجب : مين ديه ؟

كرم وهو بيبص قدامه بشر : كاميليا 

وعد وهي عامله نفسها متفاجأه : بجد والله لا حياتي بقت احسن بكتير انا حسيت فعلا بالتغير !

كرم برفعه حاجب : مالك؟!

وعد بغيظ: ايوه يعني مين ست زفته خطيبتك ازاي يعني ؟

كرم وهو بيتنهد بحزن : كانت خطيبتي 

وعد باستنتاج: وسابتك لما عملت الحادثه؟! 

كرم : بالظبط 

وعد بغيظ : وراجعه تاني ليه ست حلويات ؟

كرم بعصبيه : معرفش ومش عايز اعرف 

وعد وهي بتبلع ريقها بخوف : ط طب خلاص متتعصبش

مسح علي وشه اكتر من مره واستغفر في سره ...

وعد : انت كويس ؟







كرم وهو بيقعد علي طرف السرير وبيقول بسخريه: كويس كويس اوي 

وعد بتساؤل وفضول: بتحبها؟

كرم بلهفه وسرعه : لا طبعا 

وعد بشك : اومال كنت خاطبها ليه؟

كرم: عادي كنت معجب بيها وراح الاعجاب لحاله بسبب تصرفاتها 

وعد بخفوت صاحبي وحبيبي وكفاءه 

كرم : ايه؟

وعد بتوتر : م مفيش 

كرم : طيب يالا ننزل عشان نتغدي 

وعد : لا شكرا انا مش جعانه،

كرم ببرود : اوك أنا هنزل 

قال جملته وفتح الباب وخرج وهي واقفه تبص لآثره بغيظ ..

-الدبش في ابهي صوره 

............................................................................
- ايه انت بتقول ايه " علي الراوي " رجع مصر 

-وفي مص*يبه اكبر من كده 

ممدوح بخوف : ايه هي ؟؟

-كرم ليه اخ توأم يوميها احنا شوفنا كرم ومأخدناش بالنا من اخوه اللي شبه لأن الأطفال كلها بتبقي زي بعض وهي مولوده وأخو كرم اسمه " تميم الراوي" 

ممدوح بصدمه: انت متأكد من الكلام ده !

-متأكد حتي طبعتلك صوره عشان تتأكد 

ممدوح بلهفه : وريني 

طلع الصوره وعطاها لممدوح اللي مكانش قادر يصدق الشبه اللي ما بينهم 

ممدوح وهو بيبص للشخص اللي قدامه: طب وبعدين هنعمل ايه في المصيبه ديه ؟

-سيبني افكر واقولك 

ممدوح بأصرار: في اقرب وقت يامدحت انا مش مستعد اخسر كل حاجه في لحظه 

مدحت وهو بيتنهد : متقلقش كل حاجه هتبقي تمام بس متنساش النسبه اللي اتكلمنا عنها 

ممدوح : متقلقش 

مدحت : حيث كده بقي امشي انا عشان عندي شغل 

-ياولاد ال وحياه امي هندمكم واحد واحد 

قال كرم جملته جواه وهو بيبعد عن الباب وبيستخبي عشان محدش يشوفه ...

-انا لازم اعرف مكانهم في اقرب وقت 

طلع علي فوق بحماس ولهفه ودخل الأوضه من غير ما يخبط وهو بيقول بفرحه 

-عرفت اهلي مين ياوعد عرفت 

وعد وهي بتقرب منه بلهفه : بجد ياكرم 

كرم بفرحه وكأنه طفل صغير : والله 

وعد : طب عرفت منين ؟

كرم وهو بيبص قدامه بشر : سمعت ممدوح والمساعد بتاعه بيتكلموا 

وعد : طب مستني ايه يالا نروحلهم 

كرم بحزن: مش عارف مكانهم بالظبط 

وعد وهي بتمسك أيده بتلقائية: هنعرف أن شاء الله 

كرم وهو بيضغط علي ايديها وكأنه بيحاول يستمد منها القوه وبيبتسم ابتسامه صغيره : أن شاء الله شكرا ياوعد انا حاسس ان ربنا حطك في طريقي عشان مكونش لوحدي في ظروف زي ديه

ابتسمت وعد برقه وهي بتهزله رأسها وكأنها بتقوله متخافش انا هفضل معاك لحد ما تلاقي اهلك ...

بعد شويه كانت قاعده وعد ومعاها كرم بيبحثوا عن أي حاجه تخص عيله كرم علي السوشيل ميديا ...

وعد بفرحه : اخوك اهو ياكرم 

كرم بلهفه: فين فين 

وعد : اهو مش قولت اسمه تميم الراوي ؟ وبعدين ده شبهك اوي ده نسخه منك انتوا توأم ملتصق

كرم وهو بيبص علي صوره اخوه علي الفيس : يااااه انا طول عمري كنت حاسس ان في حاجه نقصاني اتاري شبيهي هو اللي ناقصني 

وعد بجديه: استني في رقم فون اهو اعتقد ده بتاعه استني هسجله 

سجلت الرقم وثواني كان بيرن عليه كرم 

-الو 

كرم بلهفه : تميم الرواي معايا ؟

تميم باستغراب : ايوه انا مين حضرتك ؟

كرم وهو بيتنهد : اخوك 

تميم بصدمه : نعم اخويا مين ؟ 

كرم : ايه ماما محكتلكش عن اخوك التوأم اللي اتخط*ف يوم ولادتكم ؟

تميم بذهول وصدمه : ا انت كذاب 

كرم : لو مش مصدقني تعالي قابلني 

تميم : فين ؟

كرم وهو بيبص لوعد وبيقول بخفوت : أقوله فين ؟

وعد بخفوت : في كافيه *****"

كرم : تمام نتقابل في كافيه ***** بعد ربع ساعه 

تميم بنبره تحذيريه: بس قسماً بالله لو طلعت بتكذب عليا هسج*نك انت متعرفش انا مين وممكن اعمل فيك ايه ؟

كرم وهو بيتنهد : انا اسمي كرم العربي اكيد تسمع عني 

تميم بتساؤل: كرم صاحب شركه العربي للاستيراد والتصدير

كرم : ايوه انا 

تميم : انا اسمع عنك كتير جدا 

كرم بهدوء : يبقي نتقابل بعد ربع ساعة 

تميم : تمام

قفل معاه كرم وهو بيتنهد بحيره وبيبص لوعد اللي كانت قاعده مراقبه المكالمه بفضول ...

-ها قالك ايه هيجي ؟

كرم وهو بيهز رأسه : ايوه 

وعد : ب بس انت هتنزل تروح ازاي 

كرم : انتي هتيجي معايا 

وعد : تمام 

كرم: يالا قومي البسي 

بعد مرور ربع ساعه 

كانت قاعده وعد ومعاها كرم اللي كان باين علي ملامحه الخوف والتوتر وهو منتظر يشوف توأمه ...

وعد وهي بتحط ايديها فوق كفه اللي علي الطربيزه وبابتسامه ورقه : متقلقش كل حاجه هتبقي كويسه انا معاك 

كرم وهو بيبتسم بهدوء : يارب 

وعد بلهفه : تميم اهو 

دخل تميم يدور بعنيه علي كرم بلهفه شديده وهو لحد اللحظه ديه مش قادر يستوعب أن اخوه عايش !

وقعت عينيه علي كرم اللي قام وقف اول ما شافه ...

-ا اخويا 









قرب منهم بسرعه وهو مصدوم : ا انت اخويا

كرم وهو بيهز رأسه : اتأكدت اني عايش و آااا

قاطعه تميم وهو بيترمي في حضنه بفرحه ...

بعد شويه كانوا قاعدين بعد ما كرم حكاله كل حاجه بالتفصيل وهو قاعد مذهول لحد ما انتهي ....

كرم وهو بيتنهد بتعب : هي ديه كل الحكايه 

تميم بذهول: انا مش قادر اصدق يعني هو عمل كل ده عشان الفلوس حرم أم حملت وتعبت تسع شهور في اتنين مش في واحد ام كانت مستنيه تشوف عيالها بفارغ الصبر بعد لف عشر سنين في المستشفيات عشان تخلف كل ده عشان شويه ملاليم ؟

كرم بحزن : ماما هي فين ماما ياتميم ؟

تميم : حالا هاخدك عشان تشوفها هي وبابا ...

وعد وهي بتتنهد وبتبتسم بهدوء : طيب انا كده مهمتي انتهت لحد هنا مبروك انك قدرت تلاقي اهلك بسهوله ومن غير انتظار كتير لاني عارفه أن الانتظار صعب ...اظن كده انا من حقي امشي 

كرم بلهفه : وعد 

وعد بتوتر وهي بتفرك ايديها : ن نعم 

كرم : خ خلي بالك من نفسك 

وعد : حاضر ب بس طلقني 

كرم وهو بيتنهد : انتي طالق .

وعد : اتفضل 

كرم باستغراب : ايه ده 

وعد : ده الوصل اللي بمليون جنيه اللي كتبهولي ممدوح مش محتاجاه 

كرم بهدوء: خليه معاكي ياوعد 

وعد وهي بتهز رأسها برفض : لا 

كرم : تمام علي راحتك خلي بالك علي نفسك 

وعد بابتسامه رقيقه : حاضر وانت كمان وشكرا 

كرم : علي ايه؟

وعد بمزاح : اني عيشت مغامره حتي لو كانت يوم واحد بس بجد كانت مغامره حلوه ومبسوطه أن وشي كان حلو عليك وانك لقيت اهلك الحقيقين 

كرم : وانا كمان شكرا عرفت أن ربنا حطك في طريقي عشان مكونش لوحدي لاني لما بتصدم مش بعرف افكر شكرا انك طمنتيني وقولتيلي انا معاك ربنا يوفقك ولو احتاجتي اي حاجه رقمي اهو متتردديش وكلميني فورا 

وعد وهي بتبص في عيونه وعيونها مليانه دموع : ح حاضر عن اذنك 

قالت جملتها وطلعت تجري من قدامه وهي بتحاول تداري دموعها ...

تميم : هو في ايه انا مش فاهم حاجه ؟

كرم وهو بيتنهد : هحكيلك 

............................................................................
بعد مرور شهرين 

-انتي حبيتيه ولا ايه ياوعد؟

وعد وهي بتتنهد بحيره : مش عارفه ياصبا مش عارفه بس مش قادره انساه برغم أنه يوم واحد لكن حاسه وكأنه سنه حرك جوايا مشاعر كانت مستخبيه حسيت قد ايه هو طفل في نفسه حسيت اني مسؤوله منه وانا بودعه كان نفسي يقولي خليكي ساعتها كنت هفضل من غير نقاش لاني حابه اكون معاه أنا عارفه أنه كلام ميتصدقش بس والله انا كمان مستغربه انا ازاي حبيته كده ازاي قدر يأثر فيا بالشكل ده من يوم واحد ويخليني مفكرش غير فيه نفسي اشوفه اوي ياصبا بس خايفه 

ميسون صاحبتها بشفقه: خايفه من ايه ؟

وعد بدموع: خايفه اشوفه ويكون ارتبط أو اتجوز ساعتها مش هقدر استحمل صدقيني انا وانا بعيد عنه عندي امل ولو واحد في الميه أنه ممكن يكون بيفكر فيا هو كمان ..

ميسون وهي بتحضنها : سيبي كل حاجه علي ربنا وصلي وادعي قولي لو خير ليا يارب قربه ولو شر أبعده وخليني 
اقدر انساه 







وعد : يارب 

بليل كانت قاعده وعد قدام التلفزيون شارده لابعد حد سمعت صوت آذان الفجر قامت اتوضت وصلت وهي بتسجد بدموع وبتدعي ربنا 

- يارب يارب لو خير ليا قربه يارب انا تعبت من الانتظار و تعبت من الوحده يارب انا حبيته 
............................................................................

تاني يوم الصبح صحت وعد علي صوت باب الشقه بيخبط 

-ايوا مين 

-ا أحم انا كرم 

وعد وهي مبرقه عينيها وبخفوت : ك كرم 

فتحت الباب وهي مش واخده بالها هي لابسه ايه ولا شكلها عامل ازاي ...

كرم 

كرم بابتسامه : عامله ايه 

وعد بتوتر : ا الحمد لله ا اتفضل 

كرم بحرج وهو بيبصلها بنظره ذات مغزي: ا احم ميصحش انا هستناكي برا في العربيه عايز اتكلم معاكي شويه 

وعد بحرج : ت تمام 

قفلت الباب وهي بتسند ظهرها عليه وبتحط ايديها علي قلبها اللي بيدق بسرعه رهيبه 

ثواني واستوعبت ودخلت لبست هدومها بأقصى سرعه وبعدين خرجت ....

كان كرم قاعد في العربيه مستنيها تخرج بفارغ الصبر ..

- احم 

كرم وهو بيفتح الباب وبيخرج منه بلهفه : وعد 

وعد بتوتر وابتسامه مهزوزه: ا ازيك ياكرم 

كرم وهو بيتنهد: الحمد لله وانتي 

وعد : الحمد لله بس عرفت بيتي منين ؟

كرم وهو بيغمزلها: مصادر خاصه 

وعد بحرج : ا احم عملت ايه شوفت مامتك وباباك؟

كرم وهو بيهز رأسه : وعايش معاهم حاليا 

وعد : وممدوح ؟

كرم بحزن : في المستشفي 

وعد : بسببك؟

كرم: يوم ما عرفت اهلي روحت واجهته وصلاح عرف الموضوع جاتله سكته قلبيه و*ما"ت وانتي عارفه أنه مكانش لسه اتنازل عن أملاكه ونفس اليوم الشركه حققت خساره كبيره جدا ممدوح مقدرش يستحمل ودخل المستشفي اسبوع وما*ت هو كمان 

وعد بشفقه وحزن : ربنا يرحمه 

كرم : يارب 

وعد بتساؤل: زعلان ؟

كرم : اكيد ياوعد مش هو اللي رباني برضو أياً كان اللي عمله بس هو كان اب ليا في يوم من الايام وهو اللي رباني وكان حنين عليا وعلمني ايا كان فربنا يرحمه وبعدين يمكن ربنا عمل كده لأسباب يمكن عمل كده عشان مكونش حمل تقيل علي اهلي لأنهم شافوا ايام صعبه الله اعلم انا مش بزعل من حاجه عملها ربنا وفي النهايه انا مع اهلي الحمد لله دلوقتي 

وعد برقه : الحمد لله ا احم كنت عايز تقولي ايه ؟

كرم : اه كنت عايز اقولك الفستان الاسود اللي كنتي لبساه امبارح حلو " الاسود يليق بك " ياجميل 

وعد وهي فاتحه بوقها بصدمه : انت عرفت منين !

كرم وهو بيغمزلها : مصادر خاصه 

وعد برفعه حاجب : الله هو كله مصادر خاصه ؟ لا بجد عرفت منين انت مراقبني بقي 

-من شهر وحياتك 







اتفزعت وعد وهي بتبص علي أزاز العربيه اللي اتفتح وخرج منه رأس اخوه تميم 

وعد بضحك: تميم ؟

-ياعم انت وسع راسك كده خلينا نشوف 

وعد وهي بتبص علي البنت اللي كانت قاعده جنبه في العربيه: مين ديه ؟

البنت بذهول : يخربيت كده هو في كده ؟ ايه ياست انتي الجمال ده 

وعد بضحك : هههههه ايه ده في ايه 

كرم بخفوت: منك لله ياصبا يابت ام صبا

وعد برفعه حاجب : هو انا ممكن افهم في ايه بالظبط؟

صبا بحماس : في فرحه آخرها طرحه ودبله تربط قلبي بيك 

كرم : ههه ههه اعرفك ياوعد بنت عمي ومرات تميم صبا معلش هي دماغها لاسعه حبتين 

وعد : ههههه لا هي جميله والله 

صبا : روح قلبي عليا النعمه الواد ده عرف يختار صح 

وعد : عرف يختار ايه ؟

كرم وهو بيقرب منها وبيهمس في ودنها برقه : عرفت اختارك صح ياوعدي تتجوزيني 

وعد بصدمه : ا ايه 








كرم وهو بيعيد كلامه مره تانيه ببطئ: تتجوزيني 

صبا وهي بتطلع رأسها من الشباك : بالله عليكي توافقي نفسي نفسي أكتب علي الفيس انا اخت العريس المنتظر ونعمل لولولولولولي فرح 

تميم : علي فكره ياوعد كرم حبك من اول مره شافك

صبا : طب حلو يعني الراجل رومانسي اكتر من ارناف هو حبها من النظره الثانيه واخويا حبك من النظره الاولي الله عليك يافخر العرب 

كرم وهو بيضرب كف فوق التاني : يارب الصبر يارب ما توافقي ياست حلويات انتي كمان الشمس كلت وشي 

وعد بخجل وهي حاطه وشها في الأرض : موافقه 

صبا : هنا سأسكت قليلاً احتراما وتقديراً لهذا المحن ولولولولولولولي وادخلي عمره بخطواتك اليمين وبعد كده قابلي بقي ياست الكل مرار طااا*"فح 


تحميلات

أختر ما تريد:

تعليقات
ليست هناك تعليقات
إرسال تعليق