رواية احببت مجنونة الجزء الثاني الفصل الثاني عشر 


جودي تبص ل رودينا_ معلش اصلي حما'ره بس البقره الحشو اللي عندي هي السبب وربنا لا اروح اق'طعها 
رودينا تكتم ضحكتها وتبصلها بصه بمعني تسكت 

في بيت مراد 

بتفوق مي تلاقي نفسها نايمه في حضنه، بتقوم بسرعه تلبس هدومها وتجري برا الاوضه
مي بعدم تصديق_ نهار اسو'د ازاي ده يحصل، وفجاه تفتكر ان معاد رجوع مراد قرب،،، يادي المصيبه،بتجري عليه تاني 
مي _ قوووم يا مراد يلا مراد زمانه جاي
مصطفى يفتح عنيه يلاقيها قاعده جمبه وشعرها مفرود علي وشها بشكل جميل،، بإبتسامة_ شكلك لسه حلو تصدقي
مي بارتباك _ قوم مش وقته مراد زمانه جاي 
مصطفى_ خليه يجي انا خلاص هقوله
مي _لا بلاش دلوقتي لما نمهدلو الاول
مصطفى يحط ايده على وشها بحب_ متقلقيش كله هيكون تمام 









مي _ انت مش عارف ردة فعله ممكن تكون ازاى عشان خاطري مش دلوقتي انا مش جاهزة لكده حاليآ
مصطفى بتفهم_ تمام زي ما انتي عاوزه 
مي _ طيب قوم بقا قبل ما يرجع
مصطفى برومانسيه _ وحشتيني 
مي بارتباك تبص لتحت 
مصطفى يرفعها وشها ويبوصلها بتأمل _ انا مش عاوزك تبعدي عني تاني مهما حصل
مي بعتاب _ انت اللي بعدت مش انا انت مش عارف استنيتك قد ايه كنت كل يوم اقول هيرجع النهارده ومبترجعش
مصطفي_ عمري ما هسيبك وهعوضك انتي ومراد عن كل حآجه
مي تمسك ايده وتبوسها وبدموع_ انت لو سبتني تاني انا مش هقدر استحمل 
مصطفي_ بتحبيني؟ 
مي _ وعمري ما حبيت غيرك
مصطفى_ علشان كده سميتي الواد علي اسمي يرضيكي كده يبقا في اتنين مراد في البيت
مي _ مكنش ينفع يتسما حآجه تانيه،كنت عاوزه اسمك يفضل موجود معايا، وفجاه بتسمع الباب بيتفتح 
مي بارتباك شديد _ هووو هنعمل ايه 
مصطفى بتوتر _ مش عارف ما تخليني اقوله ونخلص 
مي _ لا لا انت خليك هنا اوعا تخرج
مصطفى_ طيب طيب
بتطلع مي وتقفل وراها الباب بأحكام 
مراد يصفر _ ايه ياعم الدلع ده كلو شعر سايح و روب، روووب يا مي 
مي بارتباك_ ا اصل قولت اجربه،لقيته في الدولاب مركون من زمان
مراد_ طيب وانتي متوتره كده ليه عادي اللبسي ده حته شكله حلو عليكي
مي بتوتر _طيب مش هتدخل تستحما يكون جهزت الغدا 
مراد_ معلش ممكن كباية عصير عشان مش شايف قدامي من الحر
مي _ حاضر بس ادخل استحما
مراد باستغراب _ في ايه يا ماما هي ريحتي طلعت اوي كده  
مي _ لا بس عشان تفوق 
مراد _ انا هقعد علي الكنبه شويه وبعدين ادخل استحما حاضر 
مي _ طيب يابني، وبهمس ربنا يستر 
بيقعد مراد وكالعاده يفتح التليفون ويدخل علي الشات بتاع جودي، يلاقيها بعتالو 
مراد بتنهيده _ اللي قولته وجعني اكتر منك والله ياريت كان ينفع، كنت زماني دلوقتى عندك ومخبيكي عن الكل وقولتلهم دي بتاعتي انا مش من حق حد يكلمها او يشوفها غيري،  
بعدين بيفتح الفيس بوك عشان يشوف اذا ناشره حآجه جديده ولا لا ف بيلاقي البوست بتاع رودينا 
مراد بصدمه_ جودي مالها، بيرجع للواتس ويبعتلها 
مراد _ جودي طمنيني عليكي 
بيستنا شويه ومبيلقيش رد 
مي بتيجي تلاقيه متوتر ومتعصب علي التليفون 
مراد _ رددي بقا 
مي _ في ايه يا مراد مالك 
مراد _ مش عارف 
مي بارتباك _ يعني ايه مش عارف 
مراد _ حد بيقول ان جودي في المستشفى وبكلمها مبتردش 
مي _ جودي في المستشفى، ليه؟! 
مراد_ مش عارف انا ببعتلها مبتردش اهو
مي _ طيب استني انا هتصل ب ياسمين اشوف في ايه 
مراد _ بسرعة يا ماما  
مي بتتصل لكن محدش بيرد 
مراد بانفعال _ يعني هي صح في المستشفى، انا نازل القاهره  
مي _ استني انا هروح معاك 
مراد باستعجال_ مش وقته 
مي _ مرااد استنا انا هغير قوام واجي
مراد_ بسرعة طيب متجيبيش حآجه معاكي 
مي _حاضر، بتدخل وتقفل الباب بالمفتاح
مصطفى_ هتروحي ليه ما تقعدي معايا
مي _ مش هينفع لازم امشي، وانت ابقا تعاله اقعد معاه متسبهوش لوحده هنا 
مصطفى_ وانتي؟ انا عاوزك معايا
مي _ اكيد هنكون مع بعض بس مش دلوقتي، يلا بقا اتأخرت مراد هيستعجلني 
مصطفى يحضنها _ هتوحشيني 
مي _ انت وحشني 
مصطفى بإبتسامة_ هممم خسارة بقا 
مي _ ايه 
مصطفى_ أبداً كنت بس عاوز اعرف لون عينكي ههههه
مي _ ههههههههههههه
مراد_ ماماااا اتأخرتي ليه 
مي بخضه _ ايوه ايوه جايه اهو، وسع بقا 

في الشركه ياسين 













رياض_ صبا هاتى الملفات دي وتعاليلي المكتب
صبا _ حاضر، بتمسك الملفات وتروحلو المكتب
رياض_ حطيهم هنا، عاوزك تراجعي معايا وركزي ها ركزي 
صبا بتوتر _ ح حاضر،وهي ماشيه بتتعرقل بسجاده وتوقع الملفات في كل مكان
رياض بانفعال_ في ايه عيله بتتعلم المشي مش قولنا ركزي 
صبا ببكاء_ مخدتش بالي السجادة هي السبب وتكمل عياط 
رياض _ خلاص متعيطيش حصل خير
صبا ببكاء _ لا بس انا وقعتهم انا اسفه ونبي ونبي سامحني 
رياض بزهق _ خلاااص بقا انا بت'خنق من العياط قولنا حصل خير 
صبا تزيد في البكاء _ بس حضرتك زعلان مني 
رياض بزهق يقربلها_ حبيبتي انا مش زعلانه هزعل ليه، بطلي عياط بقا 
صبا بصدمه_ حبيبتي؟! 
رياض _ ايه لا لا مقصدش انتي فهمتي غلط 
صبا بارتباك_ متقوليش الكلمه دى تانى علشان عيب 
رياض _ يا سلاااام 
صبا ببكاء_ اه والله عيب ابويا لو عرف هيبهد'لني بسببك 
رياض بخن'قه_ يا أمي علي الورطه' صبا روحي شوفي شغلك انا هراجع الملفات لوحدي 
صبا ببكاء _ حضرتك بتنفخ ليه انا اسفه والله مش هعمل كده تاني 
رياض بانفعال _ هو اييه اللي مش هتعمليه تانى 
صبا _ مش عارفه بس طالما حضرتك زعلان يبقا انا عملت حآجه زعلتك
رياض يجيب اخره _ صبا انتي لو مروحتيش علي مكتبك دلوقتي انا هرفدك 
صبا تسيبه وتطلع تجري 
رياض _ اول مره اعرف ان انور عنده حق، دي مفيش عقل نهائي 

اخر اليوم

بيت هشام  

يوسف _ ازاي محدش يقولي انها تعبت 
هشام _ حآجه بسيطه احنا روحنا ورجعنا بسرعه 
رودينا بقرف_ والله جوجو اتحسدت انا مش عارفه قدم مين النحس ده،













يوسف يعرف انها تقصده وميدلهاش اي اهتمام 
ملك _ اسكوتي انتي 
رودينا _ الله وانا قولت ايه 
ياسمين _ ههههه سيبيها دي بتهزر 
رودينا _ حبيبتي ياسو وربنا انتي وخالي جمال واحسن من ناس كده وتبص ل يوسف بقرف 
يوسف لنفسه _ انتي لو و'قعتي تحت ايدي هنفخك 
رودينا بقرف _ هروح اطمن علي اللي عماله تتصطم الله واكبر مش تشغلي الرقيه عشان الجن اللي في البيت ياطنط 
يوسف _ اندهيها اطمن عليها 
رودينا بقرف _ بنقولك تعبانه يعني احتمال تتكل وانت مش هاين عليك تدخلها جوه تطمن وعاوزها تجيلك 
هشام _ رودينا عيب مش كده 
يوسف _ سيبها ياعمي انا اصلا مسمعتش هي قالت ايه 
ياسمين _ روحي يا رودينا اندهيها هي مش تعبانه لدرجة دي 
رودينا تبصله بغيظ_ حاااضر وبتروحلها وتفتح الباب متلقهاش، ف بتدخل تدور عليها 
رودينا _ بت ياجودي روحتي فين، وفجاه بتطلع من وراها تشدها من شعر'ها وربنا ما هسيبك النهارده، بتضر'بيني يا عر'ه 
رودينا _ اااه سيبيني انا عملت كده عشان مصلحتك 
جودي _ مش هسيبك، مصلحة ايه اللي تخليكي تفتح'يلي راسي وربنا لا اخلص منك وبتمسك الابجوره عشان تخب'طها بيها بس بيوقفها صوت مي ومراد برا 
جودي تسيب الأبجوره _ بت انا سامعه كويس صح
رودينا بوجع _ اااه ايوه بس سيبي شعري 
جودي بشرود _ جه عشاني؟! لا لا هو هيكون عرف منين 
رودينا _ مني انا ههههه 
جودي بانفعال_ كلمتيه يخر'بيتك ازاي تعملي كده 
رودينا _ اكلمه ده ايه وانا هبله زيك، انا بس نزلت بوست انك تعبانه اوي ويمكن ربنا ياخدك 
جودي بفرحه _ يعني هو جاي علشاني 
رودينا _ لا جاي علشاني انا 
جودي بفرحه _ يلا عاوزه اغير عشان اقابله 
رودينا بقرف _ تقابلي مين يا معد'ومة الكرامه ياللي كسبتيها في كيس شيبس من ابو اتنين جنيه 
جودي _في ااييييه
رودينا _ حبيبتي انتي تتخمدي وانا هطلع اقولهم انك تعبانه ومش هتقدري تخرجي 
جودي _ طيب وكده مش هشوفه 
رودينا _ لا ياختي هتشوفيه امال الشباك اللي بيعيط من كتر دوسه برجليه عليه ده لازمته ايه 
جودي بارتباك _ يعني هيجي يا رودينا 
رودينا بإبتسامة _ هيجي وهيعترفلك كمان بس انتي تعملي ميته عارفه ما تفتحي عينك انا هخز'قهالك بصوابعي  
جودي بتوتر _ ههههه ماشي ماشي 
رودينا _ ها بقا لسه مقولتليش 
جودي _ ايه 











رودينا _ بتحبيه 
جودي بدموع _ الظاهر كده 
رودينا _ اه يا قليلة الا'دب ههههه انا قولتلك وانتي كل اللي عليكي، مورااااد اخويااااا لاااااا مش ممكن احبوووو وتجعري 
جودي _ ههههه ماهو انا مكنتش عارفه انا حاسه ب ايه 
رودينا _ واديكي عرفتي، حيث كده بقا الواد اللي برا ده ملهوش مكان هنا 
جودي _ براحه يا رودينا هو مغلطش معانا 
رودينا بزعيق_ طالما حبك يبقا غلط ويستاهل اركني انتي وروحي علي سريرك عاوزه اشوف روح بتطلع قدامي تعرفي تعملي كده ولا اطلعها بجد 
جودي بفرحه _ اعرف اعرف بس يلا 

رودينا تخرجلهم وبحزن مفتعل _ للأسف هي مش قادره تقوم بتتوجع من دماغها 
مراد يسمع الكلام ويكتم في نفسه عشان محدش ياخد باله 
يوسف بقلق _ يبقا لازم تروح لدكتور تاني 
هشام _ متقلقش كده، هي هتاخد المسكن وتكون كويسه 
يوسف _ ممكن اشوفها ياعمي مش هقدر امشي من غير ما اطمن عليها 
هشام_ طيب يابني اتفضل
مراد يضم ايده بغيظ ويمسك نفسه عشان ميضر'بهوش 
رودينا _ لا يتفضل ازاي مينفعش هي في وضع ميسمحش بانه يدخل 
يوسف لنفسه _ زودتيهاااا اوي 
ياسمين _ معلش يا يوسف خليها بكره يكون قدرت تقابلك 
يوسف بتنهيده _ ماشي ياطنط استأذن انا وبكره هكون هنا علشان اطمن عليها 
هشام _ رايح فين اقعد اتعشا معانا 
يوسف _ بالهنا والشفا اتعشيت الحمدلله، عن اذنكم 
هشام _ طيب يا حبيبي مع السلامه. 
بيمشي يوسف ويبص ل رودينا بغيظ وهي تبتسمله ابتسامه بقصد استفزازه 
رودينا بتريقة_ والله العشا عملاه انا بايدي ياريتك تتعشا 
يوسف _ متشكر، اتعشي بيه انتي ويبصلها بصه ذات مغذا هي تفهم معناها 
ملك_ روديناااا تعالي اترزعي ياقلبي
رودينا _ ازاي اقدر اقعد وجودي تعبانه، انا خايفه عليها 
مراد بارتباك_ هي تعبانه اوي كده 
ياسمين_ لا يا حبيبي هي خبطه صغيره في راسها 
مراد _ طيب هي مش هتصحا نسلم عليها















رودينا_ لا خالص هي قالت نسيبها تنام ومحدش يزعجها طول الليل عشان ياعيني بالعافية نامت من الوجع، وكمان حرانه موت انا اطريت افتح الشباك عشان الهوا يدخل
مراد يفهمها _ طيب هستأذن انا، هوصل البيت، 
مي_ استنا انا هروح معاك 
مراد_ خليكي انتي لسه مسلمتيش علي صحبتك 
مي _ عندك حق دي وحشتني اوي خلاص شويه وجايه وراك 

بيت ياسين 

ياسين _قومي بقا 
بتقوم وهي مغطيه نفسها بالملايه _ في ايه يابيبي 
ياسين_ كفايه لازم تمشي 
زينه_لسه بدري انا ملحقتش اقعد معاك
ياسين_ كفايه كده انا ورايا مشوار مهم 
زينه_ اممم مقولتليش عملت ايه مع البنت اياها ناوي تجيبها هنا امتي
ياسين باستغراب_ اجيبها هنا؟! 
زينه_ ايوه تجيبها هنا ايه ملكش في السكه دي 
ياسين_ انا مش عاوز منها اكتر من معلومات عن مراد اجيبها هنا ليه 
زينه_ انت مش فاكر غير مراد طيب واخوها واللي عملو معاك 
ياسين بغيظ_ حسابه معايا بعدين بس دلوقتي انا مركز مع مراد 
زينه بشيطنه_ ماهي تخصهم هما الاتنين، مراد بيحبها وتبقا اخت يوسف، يعني هتبقي ضر'به تقسم ضهر'هم وتقدر تصورها وتبتز'هم بالصور دي 
ياسين بشرود _ تصدقي مجاش علي بالي الموضوع ده، بس لا برافو بتعرفي تفكري، خلاص انتي تقوليلي كل تفصيله عنها، بتحب ايه، بتروح امتي، لونها المفضل، كل تفصيله تعرفيها قوليهالي 
زينه بإبتسامة شيطا'نيه_ انت تؤمر ياقلبي 

في اوضة جودي

جودي تعمل نفسها نايمه وفجاه بتسمع صوت جاي من الشباك، قلبها بيدق بسرعه وايديها بتترعش لكن بتقدر تكمل ومتفتحش عنيها ولا يبان انها بتمثل 

مراد بيدخل ويقرب منها ويقعد جمبها بالكرسي، يمشي ايده على شعرها بحنيه  













مراد _ جودي! جودي، انتي نايمه..، بحب_ وحشتيني اوى انا اسف اكيد انا السبب في اللي حصل، مكنش ينفع اقولك الكلام اللي قولته بس غصب عني والله 
جودي تسمعه ومتقدرش تكمل تمثيل ف تفتح عينيها براحه عشان تشوفه جمبها باصصلها بحب وحاطط ايده على شعرها بحنان، بدون ادراك تمسك ايده وتحطها علي خدها وتبصله باشتياق كانها مشفتهوش من سنين 
مراد يبصلها بارتباك وخايف يضعف ويقولها على مشاعره 
جودي بدموع _ انت جيت علشاني؟ 
مراد بحب _ ايوه جيت اطمن عليكي 
جودي تقوم تقعد وتبصله بتأمل وبتركيز _ وحشتني اوي 
مراد بحب _ انتي وحشتيني و وحشاني حمدالله على سلامتك
جودي بارتباك وقلب بيدق بسرعه_ مراد انا.. وفجاه الباب بيتفتح عليهم 

تحميلات

أختر ما تريد:

تعليقات
ليست هناك تعليقات
إرسال تعليق