هام جدا :- تم تحديث الموقع الآن وتم تغيير بيانات الدخول عن طريق الدخول بالايميل المدرسي الموحد وكلمة السر . بدلا من الدخول بالكود والرقم القومي والباسورد.
- وتم تعديل صفحة ملف الإنجاز وإضافة بند نقاط البرنامج التدريبي ضمن النسبة المئوية لإكتمال الملف .
- وتم ظهور إخطار التدريب فوق باللون الأزرق بجانب طباعة ملف الإنجاز .
كما موضح بالصور.
************************
لابد من تفعيل الإيميل المدرسي الموحد عشان تعرف تدخل علي موقع الأكاديمية وتفتح ملف الإنجاز بتاعك وتطبع إخطار التدريب.
********************
خطوات تفعيل الإيميل :
- هتدخل علي الرابط ده :
https://office365.emis.gov.eg/
- هتختار حساب معلم اللي باللون الأحمر.
- هتفتح لك صفحة .
- هتكتب الرقم القومي بتاعك والكود . وتعلم علي مربع انا لست برنامج ريبوت وبعد كده تدوس علي التحقق من البيانات .
- هتفتح لك صفحة فيها اسمك ومدرستك وتحتها هيطلب منك تكتب رقم التليفون أو البريد الإلكتروني عشان هيبعتلك عليه كود التفعيل .
- وهتكتب كلمة السر الجديدة ولازم تكون 10 حروف كابيتال وسمول وأرقام ورموز .
- بعد كده تعلم علي أنا لست برنامج ريبوت.
- وتختار إرسال كود التفعيل عن طريق الإيميل اللي انت كتبته أو رقم المحمول .
- بعد كده هيجيلك مربع تكتب فيه كود التفعيل اللي وصلك علي الايميل أو رقم المحمول.
- وهتلاقي صفحة ظهرتلك بالايميل الموحد بتاعك وكلمة السر اللي انت كتبتها .
كده انت فعلت الإيميل بنجاح .
كما موضح بالصور
*****************
بعد كده هتروح بقي علي موقع الأكاديمية بتاع ملف الإنجاز بتاعك
عشان تتابع ملف الإنجاز وتطبع إخطار التدريب .
هتدخل علي الرابط ده :
https://academy.emis.gov.eg/newTeachEdu/
هتكتب الإيميل بتاعك اللي تم تفعيله والباسورد اللي انت عملته بلا من الكود والرقم القومي والباسورد بتاعك اللي بتدخل بيه عشان تطبع صحيفة الأحوال.
هتلاقي الموقع فتح معاك عادي وملف الإنجاز ظهر وتم اضافة بند نقاط البرنامج التدريبي.
وهتلاقي إخطار التدريب ظهر وتطبعه عشان التدريب .
كما موضح بالصور .
**************
ملحوظة هامة :
- الناس اللي مفعلة الإيميل قبل كده من زمان
تدخل تفعله تاني عشان الموقع يفتح معاكم .
**************
- لازم كل الناس تدخل تفعل الإيميل لأن اللي لسه مفعلش الايميل اسمه اتحذف ومش هيظهر في كشف مسؤول الإحصاء في المدرسة غير لما يفعل الإيميل .
أما اللي فعل الإيميل اسمه بيظهر عند مسئول الاحصاء في المدرسة.
- يعني أول ما تفعل الإيميل هتلاقي اسمك ظهر تلقائيا في كشف مسؤول الاحصاء في المدرسة. وهتلاقي الموقع فتح معاك عادي وملف الإنجاز ظهر وإخطار التدريب ظهر .
***************
- مش كل الناس نزلها إخطار التدريب
الأخطار بينزل علي حسب المحافظة اللي انت فيها وعلي حسب إنتهاء المحافظة من تحديث البيانات .
وفي محافظات لسه منزلهاش الإخطار .
أهم حاجة حاليا لازم تفعل الإيميل عشان الموقع يفتح معاك وصفحة ملف الإنجاز يفتح واسمك يظهر عند مسئول الاحصاء في المدرسة والإدارة عشان التقييم .
انما الأخطار ده لسه بيتحدث وبيضيفوا اخطارات جديدة ومش كل الناس نزلها الأخطار.
****************
بالنسبة للناس اللي شافت اسمها في الكشف ولكن الأخطار لسه منزلش علي موقع الأكاديمية.
ياريت الناس اللي اسمها نزل في كشوف المحافظة التابعة ليها
تروح في الميعاد والمكان المكتوب في الكشف . بدون الارتباط بطباعة الإخطار.
لأن الموقع بيتحدث باستمرار وممكن الأخطار يتأخر ومينزلش دلوقتي. وفي محافظات خلصت وفي محافظات لسه .
المطلوب منك تروح عادي في ميعادك وهتلاقي اسمك عندهم في كشف قاعة التدريب .
وقولهم الإخطار لسه منزلش علي الموقع وانت هتدخل التدريب عادي مادام اسمك نزل في الكشف .
*******************
بالنسبة للناس اللي متعرفش ميعادها لحد دلوقتي
هتدخل تشوف اسمك في كشوف المحافظة التابع ليها .
والناس المنتدبة تشوف اسمها في المكان الاصلي .
وتابعوا الموقع باستمرار لانه بيتحدث وبيضيفوا اخطارات جديدة .
وبالتوفيق للجميع إن شاء الله